Мандал Даатгал ХК ногдол ашиг хуваарилна

“Мандал Даатгал” ХК нь 2025 онд 13.1 тэрбум төгрөгийн татварын дараах цэвэр ашигтай ажилласан бөгөөд Төлөөлөн Удирдах Зөвлөлийн 2026 оны 01 сарын 30-ны өдөр болсон ээлжит хурлын шийдвэрээр 2025 оны татварын дараах цэвэр ашгаас хувьцаа эзэмшигчдэдээ нэгж хувьцаанд 14,74 төгрөг буюу нийт 8,7 тэрбум төгрөгийн ногдол ашиг хуваарилахаар шийдвэрлэлээ.

Ногдол ашиг авах эрхтэй хувьцаа эзэмшигчдийн нэрсийн жагсаалтыг 2026 оны Хувьцаа эзэмшигчдийн ээлжит хурлын бүртгэлийн өдрөөр гаргах бөгөөд 2026 оны 03 сарын 31-ний өдрийн дотор “Үнэт цаасны төвлөрсөн хадгаламжийн төв” ХХК дахь хувьцаа эзэмшигчдийн дансанд байршуулна.

Бидэнд итгэл хүлээлгэдэг эрхэм харилцагч болон хувьцаа эзэмшигч нартаа талархал илэрхийлье.